Home Opinion Talatto: Minallappak si Ma’am

Talatto: Minallappak si Ma’am

Nagadde ta langi y gazzina netizens ira ta mestra nga nagafu nallappak ta Kindergarten nga abbing ta Namabbalan, Tugueagarao. Anni mabba laman ngana. Ari la nakadrowing ta mapia y abbing, arianna laman nakoloran y school work na, lappaggammu ngana?

Ariattam ammu y nesimmu. Ngem nananawak, kagitta kanawak na frente nga awattu liwa na abbing. Abbing lagu. Anni trabahu na mestra? Tudduammu y abbing. Kunnasi pattuddum? I-giyam ira ta napia. Usammu y netuddu na DepEd nikaw nu kunnasi manammi ta kunnari nga dagun na abbing.Abbing lagu, kukku mangana.

Ngem, gafu ta ari tamma napagustuan y mestra ta kukukuan na abbing, linappakna!

-000-

Ngatta Ma’m, nu ari mapia y kingwa na abbing, lappaggammu? Siguru, ariammu nappasan nagabbing. Onu, siguru, sobra adde ta langi y kalalakim yatutta abbattammu, ngamin y abbing, kunne gapa kalalakira kagittam. Awan training mu kari? Ngatta ta nammestra ka gafu? Tapenu lappaggammu laman y abbing nga ta anningammu ay dambel?

-000-

Ta Kinder ira, iporayna DepEd nga egga ta unak na room y Magana ira. Ngatta? Tapenu ariadda masingan y pallappak na mestra nga malalaki ta anamu? Abbing ira pagalaman yatun. Ariadda ammu y kuadda. Pagattaka maggafu ta bienes ku tapenu ituddum y kapianan. Ariatta pagan tapenu lappaggammu laman y ana ku.

Anni? Nattatangi ka? Sorry kummu? Kunnari laman ngana? Mappasorry ka? Nu anni problemam tari nga akto, anniko panunnutammi. Anni abbo mu, Mam Minallappak, sikaw laman egga problema na? Piga paga y abbing ira y lappaggammu? E nu ana mu y lappaggammi, kaya mu?

Bastus ka nga mestra, awattu nekatuddum.Abbo mi mabba nu nammestra ka tapenu ituddum y pammakapianan ta abbing ira? Anni pammakapianan nikaw? Lappaggammu y abbing nga awattu kalaban-laban na nikaw?

-000-

Kunnasi ngana sangaw? Ari ikaya na abbing ngana y gubbo ta na-trauma nikaw? Sikaw nga ipangapangas na DepEd nga mekarua kanu nga Magana na abbing ta eskuela? Ammum Mam, nu sakan sikaw, umay ka laman ngana ta Congreso. Y trabahum? Lappaggammmu ngamin y ofisyal ira nga kagittam ka-dambel. Nammestra ka paga.

Nu anaku y kingwam ta kunnari, mabbabawi ka. Nu sakan nakuan y CSC, laffutattaka ngana ta serbisyo. Anni irasommu ta kingwam. Egga problemam? Nu egga, pallastammu ta gazzimu y abbing? Awattu konsensiam, Mam. Maski anni irasommu sangaw, nabalin ngana y kingwam. Ngem, egga award mu: The Best Minallappak ta Kinder award. Congratulations, malalaki ka.

Anni irasommu nikami? Nabigla ka laman kummu ta Magana ta abbing? Kunnasi nu kada aggaw, mabigla ka?

-000-

Nu sakan y avutammu Ma’am, ariettaka mapakoman tas sangaw. Maski map-public apology ka paga. Ngatta? Nalologon y map public apology ngem nariga metoli ta negagangay y kingwam ta abbing nga awan kalaban-labannna. Northernforum.net

Load More Related Articles
Load More By The Northern Forum
Load More In Opinion
Comments are closed.

Check Also

CAGELCO’S dilemma: Information, customer service

Posted on its website, Cagayan Electric Cooperative 1 screams its battlecry, “we are happy…